Амалдар орындалу реті. Инкремент және дескремент

Амалдар орындалу реті

Инкремент және дескремент

Амалдардың орындалу реті

• Бұл сабақта амалдардың орындалу реті мен дұрыс жазылуын үйренеміз 

Программалау тілінде де математикадағыдай өрнектерді орындаудың өз ережесі бар.

Алдыңғы тақырыптарда айнымалының типі  мен арифметикалық өрнектердің құрамына енетін қосу, азайту, көбейту, бөлу, бүтін бөлікті, қалдықты анықтау  сияқты  амалдарды қолданумен таныстық. Байқағанымыздай, программалауда амалдардың орында- лу реттілігі негізінен математикадағыдай орындалу реттілігін сақтайды. Мысалы, 1-суреттегі өрнектің қайсысы дұрыс?

Әрине, екінші өрнек дұрыс, себебі математика курсынан бізге белгілі осындай жағдайларда көбейту, бөлу, қосу, азайту амалдары ретімен орындалуы керек. Python-да арифметикалық өрнектерді орындау ережелері

1. Өрнекте жақша болған жағдайда жақша ішіндегі амал бірінші орындалады.

2. Егер өрнекте бірнеше жақша болса, онда амалдарды орындау ішкі жақшадан басталады.

Қалған амалдар 1-кестеде берілген реттілікпен орындалады.

Кестеден көрініп тұрғандай, дәрежеге шығару амалы мен көбейту бір өрнекте келсе, онда бірінші дәрежеде көтеру амалы орындалады.

Арифметикалық амалдарды орындаудың тағы бір ережесі – өрнектер бір қатарға жазылуы тиіс. Өрнекте кездесетін бөлшек сызығы жақшалар арқылы бір қатарға жазылады. Мысалы:

Инкремент және дескремент

Программаны жазу кезінде ең көп қолданылатын амалдардың бірі - айнымалының мәнін белгілі бір санға арттыру немесе кеміту. Pyhton тілінде мұндай амалдарды орындау үшін (+ =) инкремент (арттыру) және (– =) декремент (кеміту) операциялары қолданылады. Бұл амалдар айнымалының мәнін белгілі бір санға арттырады немесе кемітеді.

Мысалы: k = k + 1= > k + =1, sum = sum + 5 = > sum + = 5, len = len – 2 = > len – = 2.

Амалдарды орындау барысында айнымалыларға басқа айнымалылардың мәнін жүктеуге болады. Python тілінде арифметикалық амалдарды жазу мүмкіндігінше қысқартылған.

Амалдарды орындаудың қарапайым стандартты функцияларын қарастырайық(2-кесте). Python-да бұл фунциялардан басқа да математикалық функциялар жеткілікті. Бірақ ол фунцияларды қолдану үшін программаға арнайы математикалық модуль қолданылуы керек. Мұндай модульдердің жұмысымен жоғарғы сыныптарда танысамыз.